Aadhar Services

ஆதார் அட்டையுடன் பான் கார்டை இணைப்பதற்கான கடைசி தேதி மார்ச் 31, 2022 என்று அறிவிக்கப்பட்டிருந்தது. இந்த இறுதி காலக்கெடுவைச் சந்திக்கத் தவறினால் பான் அட்டை செயலிழக்கப்படும், மீண்டும் சேவையைப் பெறுவதற்குப் பயனர்கள் தாமதக் கட்டணமும் செலுத்த வேண்டும் என்று அறிவிக்கப்பட்டிருந்தது. உங்கள் பெர்மனெண்ட் அக்கவுண்ட் நம்பரை (Permanent Account Number), அதாவது பான் (PAN) நம்பரை ஆதாருடன் இணைப்பதற்கான இறுதி காலக்கெடு ஏற்கனவே முடிந்துவிட்டது.

இனி, நீங்கள் உங்கள் பான் விபரத்தை ஆதார் கணக்குடன் இணைப்பதற்கு அபராதம் செலுத்த வேண்டும் என்பதைத் தெரிந்துகொள்ளுங்கள். அரசாங்கம் விதித்த இறுதி காலக்கெடுவைத் தவறவிட்ட காரணத்தினால், உங்களுடைய பான் அட்டை செயலிழந்து போகலாம் மற்றும் அதை புதுப்பிக்க நீங்கள் கட்டணம் செலுத்த வேண்டியிருக்கும் என்று அறிவிக்கப்பட்டுள்ளது. பான் கார்டை ஆதாருடன் இணைப்பதற்கான முந்தைய காலக்கெடு செப்டம்பர் 30, 2021 ஆக இருந்தது என்பது குறிப்பிடத்தக்கது.

பின்னர், மத்திய நேரடி வரிகள் வாரியம் (CBDT) இந்த காலக்கெடுவை மார்ச் 31, 2022 வரை மூன்று மாதங்களுக்கு நீட்டித்தது. இருப்பினும், இன்னும் சில பான் அட்டை பயனர்கள் அவர்களின் நிரந்தர கணக்கு எண்ணை ஆதார் விவரத்துடன் இணைக்கவில்லை என்று கூறப்படுகிறது. அப்படி, வழங்கப்பட நேரத்தில் பான் அட்டையை இணைக்கத் தவறிய பயனர்களில் நீங்களும் ஒருவர் என்றால், ஒரு குறிப்பிட்ட தொகையிலான அபராதத்தைச் செலுத்தி, உங்கள் ஆதார்-பான் எண்ணை இணைக்க வேண்டியிருக்கும் என்பதை மனதில் வைத்துக்கொள்ளுங்கள்.

அதேபோல், உங்கள் ஆதார் மற்றும் பான் எண் இணைக்கப்படாமல் இருக்கும் பட்சத்தில், வங்கியில் புதிய அக்கவுண்ட்டை திறப்பது, அசையா சொத்துக்களை வாங்குவது, உங்கள் அடையாளத்தை நிரூபிப்பது மற்றும் பரஸ்பர நிதிகளில் முதலீடு செய்வது போன்ற சேவைகளை நீங்கள் பயன்படுத்த முடியாது என்பதைத் தெரிந்துகொள்ளுங்கள். உங்களின் பான் அட்டை செயல் இழந்துவிட்டால், அதை நீங்கள் அடையாள ஆவணமாகக் கூட பயன்படுத்த முடியாது என்பது குறிப்பிடத்தக்கது. இது பல இடங்களில் உங்களுக்குச் சிக்கலை உருவாக்கும்.

Central Board of Direct Taxes (CBDT) சமீபத்தில் வெளியிட்ட அறிவிப்பின் படி, ஆதார் மற்றும் பான் எண்ணை இணைக்கத் தவறும் நபர்களுக்கு ரூ. 1,000 அபராதம் விதிக்கப்படும் என்று தெரிவிக்கப்பட்டுள்ளது. 

 'எப்படி இணைக்க வேண்டும்' மற்றும் 'பான் எண்ணும் ஆதார் எண்ணும் இணைந்திருக்கிறதா' என்பதை அறிந்து கொள்வது எப்படி போன்ற வழிகாட்டுதல்களுக்கு கீழே இருக்கும் லிங்கை கிளிக் செய்யவும்.